Ekonomia -
Turismoa
Gipuzkoak iaz baino % 67 bisitari gehiago jaso ditu aurtengo Aste Santuan
Beste estatu batzuetatik bertaratutakoen artean, Frantziakoak dira erdia baino gehiago, eta ondoren Hego Amerikakoak, AEBetakoak, Alemaniakoak eta Britainia Handikoak.
agentziak | erredakzioa
Explore San Sebastian Regionek, Gipuzkoako turismo bulegoak, 5.419 bisita jaso ditu apirilaren 12tik, iazko garai berean baino % 67 gehiago, eta 2017ko "aparteko" kopurutik gertu.
Gipuzkoako Turismo departamentuak jakinarazi duenez, aurten bulegora joan direnen erdia baino gehiago (% 51,8) Espainiako Estatukoak izan dira, normalean gehiengo zabala atzerritarrak izaten diren arren.
Kataluniakoak eta Madrilgoak dira Espainiako Estatutik bertaratu diren gehienak, alde handiarekin.
Beste estatu batzuetatik bertaratutakoen artean, berriz, Frantziakoak dira erdia baino gehiago, eta ondoren Hego Amerikakoak, AEBetakoak, Alemaniakoak eta Britainia Handikoak.
Gainera, eskualde batzuetan hotelak ia beteta egon dira, tartean Oarsoaldean (% 92) eta Goierri eta Urola Garaian (% 80).