Ekonomia -
Zamoran
Valeriano Gomez: 'Gobernuak Telefonicaren planaren kontra egingo du'
Lan ministroaren arabera, "enpresa arduratsu batek ezin du milaka langileentzako erregulazioa iragarri eta handik gutxira zuzendaritzako kideen artean milioi piloa banatu".
Erredakzioa
Gobernuak "Telefonicak iragarritako enplegua erregulatzeko espedientearen kontra egingo duela" adierazi du Valeriano Gomez lan ministroak. Horrez gain, "hausnarketa bat egin eta sindikatuekin hitz egiteko" eskatu dio konpainiari.
Gomezek PSOEren Zamorano egoitzan egin ditu adierazpen hauek. Bertan prentsaurrekoa egin du Gaztela eta Leongo Gorteetarako hautagaiak aurkezteko.
"Gobernuak ezin du Telefonicak iragarritako kaleratzeekin ados egon, batez ere zuzendarien artean banatu behar dituzten bonusak ikusita", esan du ministroak.
"Gure multinacional garratzitsuenen artea dago eta besteentzako adibide izan behar du. Enpresa arduratsu batek ezin du milaka langileentzako erregulazioa iragarri eta handik gutxira zuzendaritzako kideen artean milioi piloa banatu".
Argudio hori erabilita, Gobernuak "enplegu espediente horren kontra" egingo duela baieztatu du Valeriano Gomezek. Gainera, Telefonicari "hausnarketa egiteko" eta "sindikatuekin hitz egiteko" eskatu dio, "aurretik ere hainbat aldiz egin duten bezala".
Lan ministroak enpresa batzuek zuzendariei ematen dizkieten "ordainsari erraldoiak" kritikatu ditu "politika horrek sortu baitutu finantza krisia eragin duten gaitzak".
