Itxi

2019/06/03

10:49

Ekonomia

Lan Eskaintza Publikoa

Osakidetzaren 'inkoherentzia' gaitzetsi du ESK-k kaltetu gisa agertu nahi izateagatik

AGENTZIAK | ERREDAKZIOA

"Harrituta eta haserre" azaldu da aipatu sindikatua, Osakidetzaren "koherentziarik eza" ulertzen ez duelako, filtrazioak ukatu arren, auzian kaltetu gisa agertzeko asmoa erakutsi baitu.

  • Osakidetzaren Lan Eskaintza Publikoa

    Osakidetzaren Lan Eskaintza Publikoa. ETBren bideo batetik ateratako irudia

  • Whatsapp
  • Whatsapp
  • Telegram
  • Bidali

ESK sindikatuak Osakidetzaren "inkoherentzia" gaitzetsi du, Lan Eskaintza Publikoan izandako ustezko filtrazioengatik, Gasteizko epaitegian abiatutako ikerketan kaltetu gisa agertzeko asmoa erakutsi duelako, nahiz eta Euskal Osasun Zerbitzuak ukatu egin duen azterketan irregulartasunak egon zirela.

Prentsa ohar batean, Nekane Murga Osasun sailburuak egindako iragarpenari erantzun dio aipatu sindikatuak. Izan ere, Murgak ostiraleko kontrol saioan esan zuen, berriro ere, epailearen erabakiaren aurka joko zutela, ez zuelako onartu auzi horretan Osakidetza kaltetu gisa agertzea.

Esan bezala "harrituta eta haserre" azaldu da ESK, Osakidetzaren "koherentziarik eza" ulertzen ez duelako, "filtrazioak ukatu arren, auzian kaltetu gisa agertzeko asmoa erakutsi baitu".

"Eragiketa horrekin min egiten jarraitzen du Osakidetzak, espezialitate eta lan eskaintza publiko jakin batzuetara soilik mugatu nahi duelako arazoa", oharraren arabera. Alabaina, 1978az geroztik hainbat lekukok salatutako irregulartasunak ezkutatu nahi ditu, ESKren esanetan.

"Gainera, ikerketa horretan nahasitako goi kargudunak kosta ahala kosta babestu nahi dituzte", azaldu du ESK-k oharrean.

Bukatzeko, Justiziari laguntzeko eskatu dio Euskal Osasun Zerbitzuari, alegia, "lanpostuak emateko orduan, iruzurrezko sistema aplikatu dutela onartzeko eta horren aurrean hartu beharreko neurriak hartzeko".

  • Bisitatuena

      Kargatzen ikusiena
      Kargatzen ikusiena
    ;