Sindikatuak: 'Krisitik ateratzeko aukera ezkertiarrak daude'

UGT eta CCOO sindikatuetako liderrek Gobernuaren murrizketa politikoei aurre egiteko "aukera ezberdinak" eta ezkertiarrak daudela adierazi dute. Horren aurrean, ez dago etsipenarentzako lekurik ezta herritarrak pasibotasunera bultzatzea.

Valentzian Maiatzaren Lehena dela-eta egindako manifestazioan, Ignacio Fernandez Toxo CCOOko liderrak eta Candido Mendez UGTkoak Gobernuaren politikak emandako "norabide aldaketa" kritikatu du, bide horrek "porrotera" garamatzalako.

Manifestazioa hiriko kale garrantzitsuenak zeharkatu ditu, jai giroan. Antolatzaileen esanetan 20.000 pertsona bildu ditu protestak, Udaltzaingoak berriz, 3.000 izan direla esan du.

Toxok adierazi duenez, Gobernuaren politiken aurrean "beste konponbide" batzuk eskatzeko 4,9 milioi arrazoi gehiago daude. Mendezek, berriz, langabeziaren datuek murrizketa politikei eta Gobernuaren lan erreformari egindako "kritikak berretsi egiten dituzte".