Baliteke Bruselak Espainia zigortzea bankarien soldatengatik

Europako legedi berriak diru erreserbak handitzera behartzen ditu bankuak eta zuzendaritzako kideen soldatak kontrolatzera.

Legedia urtarrilaren 1ean sartu zen indarrean, baina Espainiak, Greziak, Portugalek, Italiak eta beste zenbait herrialdek oraindik ez dute aplikatu eta, beraz, Europako Batzordeak espedientea ireki die.

Herrialde horiek ez badute bi hilabeteren buruan erantzun egoki bat ematen, Baliteke Europako Batzordeak salaketa jartzea Europar Batasuneko Justizia Auzitegian, eta horrek isuna jar diezaieke legea bete ez duten gobernuei.

Bankarien soldataren zati handi bat finkoa izan dadila eta osagarriak epe luzeko emaitzen araberakoak izan daitezela nahi du Europako Batzordeak.