Ekonomia -

Beherapenak Gabonetan

Barakaldok merkataritza dinamizatzeko 5.500 bonu jarriko ditu salgai astelehenean

Bonuak 20 euroan izango dira salgai. 180 establezimenduk bat egin dute saltoki txikian 165.000 euroko eragin ekonomikoa eragin nahi duen ekimenarekin.

Barakaldo. Argazkia: Aitor Agirrezabal
Barakaldo
Barakaldo. Argazkia: Aitor Agirrezabal

Agentziak | Erredakzioa

Whatsapp Facebook Twitter Telegram Email

Barakaldok 5.500 bonu jarriko ditu salgai astelehenean, azaroak 25, Gabonetan herriko merkataritza dinamizatzeko. 'Barakaldo bonua' kanpainaren edizio berriak 180 saltoki ditu atxikita orain arte, eta 165.000 euroko eragin ekonomikoa izan nahi du saltoki txikietan.

ACE Barakaldo Merkataritza eta Hiri Enpresen Elkarteak sustatutako kanpainak Barakaldoko Udaleko Inguralde garapen agentziaren laguntza dauka, eta 5.500 bonu jarriko ditu zirkulazioan. Bonu horiek 20 euroko prezioa eta 30 euroko balioa izango dute, Inguraldek egindako 55.000 euroko inbertsioari esker.

"Horrelako kanpainen alde egiten dugu, tokiko ekonomia bultzatzen dutelako, eta herritarrek Gabonetako erosketetan deskontu bat lortzeko bonuak eskuratzeko duten interes handiari erantzuten diogu", azaldu du Amaia del Campo Barakaldoko alkateak kanpainaren aurkezpenean.

Bonuak (pertsonako bi, gehienez) astelehenetik ostiralera erosi ahal izango dira, agortu arte, bai Barakaldoko ACEk Arrandi kalean duen egoitzan (09:00etatik 14:00etara eta 16:00etatik 19:00etara), bai Gurutzetako Kultur Etxean (09:00etatik 14:00etara).

Bonuak astelehenetik bertatik abenduaren 31ra arte gastatu ahalko dira hiriko merkataritza, ostalaritza eta zerbitzuen sektorean.

Hau zure interesekoa bada, baliteke beste gai hauek ere izatea
Herriak eta Hiriak Azken ordukoa Bizkaia Barakaldo Gabonak Gizartea bideoak Ekonomia Eguneko albisteak Albisteak Merkataritza albisteak Dirulaguntzak Euskal Autonomia Erkidegoa albisteak