Ekonomia -
Lan-gatazka
Metroko langileak zuzendaritzaren proposamena aztertzen ari dira
Astearte honetan 3 orduko lanuzteak egingo dituzte berriro. Hala ere, Bilboko metroaren zuzendaritzak zerbitzuaren % 40 bermatu du.
Erredakzioa
Astelehen goizean Metro Bilbaoko zuzendaritzak egindako proposamen berria aztertzen ari dira langileak. Empresa-batzordeak jakitera eman duenez, 162 gidariek (orain lanean dauden baino lau gehiago) eta 178 ikuskatzailek (sei gehiago) osatutako langileria proposatu du zuzendaritzak.
Hala ere, empresa-batzordeko iturriek adierazi dutenez, zuzendaritzaren proposamena "tranpa txiki batekin" dator, zuzendaritzak zenbait geltokietako ikuskatzaileak "kendu" dituelako, beste batzuetan "jartzeko".
Astearte honetan, lanuzteei ekingo diete langileek berriro. Hiru orduko lanuztea egingo dute, 05:45etatik 08:45etara. Hala ere, Metro Bilbaoko zuzendaritzak zerbitzuaren % 40 bermatu du, hau da, Eusko Jaurlaritzak ezarritako zerbitzu minimoak.
Metro Bilbaok gogoratu duenez, trenen ordutegiei buruzko informazioa Metro Bilboko webgunean dago eskura eta baita 94 425 40 25 telefonoan nahiz geltokietako langileei galdetuta.
