Ekonomia -
Lan-gatazka
Bilboko Metroan lanuzteak izango dira berriro ostegun honetan
Lanuzteak 05:45etik 08:45etara izango dira. Gutxieneko zerbitzuak (% 40) bermatuko dituela iragarri du enpresako zuzendaritzak.
Erredakzioa
Grebak duen jarraipenaren arabera ahalik eta zerbitzurik zabalena eskainiko dutela iragarri du Metro Bilbaok. Izan ere, langileek lanuzte partzialak egingo dituzte berriro ostegun honetan.
Hala eta guztiz ere, gutxieneko zerbitzuak bermatuko dituela azaldu du zuzendaritzak. Eusko Jaurlaritzak % 40ko gutxieneko zerbitzuak ezarri ditu.
Geltokietako eta trenen ordutegi guztiak eskuragarri daude webgunean. Era berean, informazio gehiago nahi dutenek 94 425 40 25 bezeroen telefonoa dute.
Lanuzteek eragingo dituzten trabak deitoratu ditu zuzendaritzak, eta zerbitzuaren funtzionamendu egokia bermatzeko geltokietako langileen argibideak jarraitzea eskatu du.
