'Greziako bigarren erreskatea baliteke 110.000 milioikoa izatea'

Yorgos Papandreu Greziako lehen ministroaren hitzetan, baliteke Greziak beste 110.000 milioi gehiago behar izatea, aurreneko erreskatean eman ziotena.

"Oraindik goiz da, baina baliteke antzeko kopuru bat behar izatea", esan du Europako Kontseiluaren osteko prentsaurrekoan.

Papandreuren esanetan, erreskatea, besteak beste, sektore pribatuaren parte hartzearen araberako izango da, baina nolanahi ere, kopuru garrantzitsua izango dela esan du.

Papandreuren hitzetan, Europako kideek ulertu dute Greziaren ahalegina krisiari aurre egiteko, eta horregatik lagunduko diola esan du.

Halaber, Nazioarteko Diru Funtsak horrekin nahikoa izan beharko lukeela adierazi du.