Ekonomia -

Zergak

Nafarroak COVID-19aren ondorioz 818 milioi euro gutxiago biltzea aurreikusi du

Elma Saiz Ekonomia eta Ogasun kontseilariaren kalkuluen arabera, jaitsiera hori jasango du Gobernuaren diru bilketak aurten, “baina elementu garrantzitsuak falta dira oraindik argazkia osatzeko”.

Elma Saiz Ekonomia eta Ogasun kontseilariak agerraldia egin du Legebiltzarrean. Argazkia: Efe.
Nafarroako Legebiltzarra
Elma Saiz Ekonomia eta Ogasun kontseilariak agerraldia egin du Legebiltzarrean. Argazkia: Efe.

Agentziak | Erredakzioa

Whatsapp Facebook Twitter Telegram Email

Elma Saiz Ekonomia eta Ogasun kontseilariak 818 milioi euroan zehaztu du Nafarroako Gobernuak COVID-19aren pandemia igarotakoan bilduko duen diru kopuruaren jaitsiera.

Legebiltzarraren Osoko Bilkuran Maria Solanak (Geroa Bai) egindako galderei erantzuteko, Saizek esan du “balioztapen bat” dela, “gaur egungo argazki bat, baina elementu garrantzitsuak falta dira oraindik argazkia osatzeko”.

Zergen arloan neurri berriak martxan jarriko ote dituzte galdetuta, Saizen esanetan “goizegi da zerga arloan ezer iragartzeko, are gehiago gaur egungo garaietan”. Horregatik, zeresana duten guztiek esateko dutena entzuteko deia egin du “lasaitasunez neurtzeko zerga arloan gerta litekeena”.  

Kontseilariak azaldu duenez, bera buru duen departamentua Espainiako Ogasun Ministerioarekin hizketan ari da, malgutasuna lortzeko “eta Nafarroak defizit arloko neurri lasaiagoak izan ahal ditzan”.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak derrigorrezkoak dira garraio publikoan, baita kalean eta leku itxietan ere, bi metroko segurtasun-tartea bermatu ezin bada.

Hau zure interesekoa bada, baliteke beste gai hauek ere izatea
Ekonomia Eguneko albisteak Albisteak Nafarroako Gobernua Koronabirusa