Ekonomia -
KORONABIRUSA
EAEko ekonomiak % 7,8 egingo du behera 2020an, Ceprederen arabera
Aurreikuspen Ekonomikorako Zentroak esan du koronabirusak eragindako krisiak gogor astinduko dituela erkidego guztiak, bereziki, turismotik bizi direnak.
AGENTZIAK | ERREDAKZIOA
COVID-19aren ondorioz, EAEko ekonomiak % 7,8 egingo duela behera iragarri du Ceprede Aurreikuspen Ekonomikorako Zentroak. Espainiako Estatuan barne-produktu gordinaren (BPG) jaitsiera handiena izango duen erkidegoa izango da, Errioxarekin eta Balearrekin batera.
Espainiako Gobernuko Estatistika Institutu Nazionalaren azken datuen alderaketa egin du Cepredek, BPGren 2020ko eboluzioa eguneratzeko, baina "informazio asko" falta dela eta datuok "kontu handiz" interpretatu behar direla ziurtatu dute.
Behin betiko eguneratzeen faltan, Espainiako ekonomia, batez beste, % 6,6 jaitsiko dela aurreikusi dute.
Erkidegoen barne-produktu gordinek izango duten beherakada "aurrekaririk gabekoa" dela ere esan du Cepredek, eta, bereziki, turismoak indar gehien duen lurraldeak izango direla kaltetuenak gaineratu du.
Krisi ekonomikoari erkidegoz erkidego emango zaion erantzuna ezberdina izango dela adierazi dute, bakoitzaren berezitasunen araberakoa.
