Italiak interes handiena ordainduko du euroa sortu zenetik

Italiako Altxorrak 3.865 milioi euroko zorra saldu du, 5 urterako bonuetan, euroa jaio zenetik inoiz ordaindutako interes handienean: % 5,6.

Italiako Bankuak agiri batean jakinarazi duenez, interesa uztailaren 14an egindako zor-jaulkipenean baino 0,67 puntu handiagoa izango da, egun horretan % 4,93koa izan baitzen.

Altxorrak 3.000 eta 4.000 milioi euro arteko zorra saldu asmo zuen, baina eskaria 4.945 milioi eurokoa izan da.

Bestalde, Italiako arrisku-sariak 400 puntuak gainditu ditu gaur, abuztuko hasierako mailara iritsita.

Silvio Berlusconi lehen ministroa Bruselan dago, Europar Batasuneko agintariekin batzartu eta bere Gobernuko murrizketa plana aztertzeko.

Financial Times egunkariaren esanetan, Italiako Gobernua Txinako agintariekin negoziatzen ari da, herrialde horrek bonuak eros ditzan.

Italiak zor publiko handienetakoa dauka: barne produktu gordinaren (BPG) % 120.

Berlusconi, "lasai" doitze planarekin

Silvio Berlusconi Italiano lehen ministroak adierazi duenez, "oso lasai" dago 50.000 milioi euro baino gehiagoko bere doitze planarekin, eta oposizioak egindako adierazpen batzuek ez dituztela gertakizunak islatzen gaineratu du.

Italiano lehen ministroak Herman Van Rompuy Europar Batasuneko Batzordeko presidenteari esan dionez, adierazpen horiek Europako erakundeei Italia krisitik ateratzeko doitze plana beharrezkoa dela sinestaraztera behartzen dute.

Gobernuak bultzatutako doitze plana astelehenean aurkeztu zuten diputatuen Kongresuan eta parlamentarioek behin betiko botazioa asteazkenean egitea aurreikusi dute.