Ekonomia -
Zergak
161 enpresak 451 milioi euroko zorra dute Bizkaiko Ogasunarekin
Iurbenor Prmociones S.A. da zor handiena duena, 52,29 milioi eurokoa hain zuzen ere; eta Moldis Echarro S.L.k 20,4 milioi euro zor ditu.
agentziak | erredakzioa
161 enpresak 451.416.277 euroko zorra dute Bizkaiko Aldundiarekin, 2019ko abenduaren 31ak Ogasunari milioi bat euro baino gehiago zor zioten enpresen zerrendan agertzen denez.
Bizkaiko Aldundiak argitara emandako zerrenda hori zerga iruzurrari aurre egiteko eta herritarren artean "kontzientzia fiskala indartzeko" neurrietako bat da.
Zerrenda horren arabera, Iurbenor Promociones S.A. da zor handiena duena, 52.29 milioi eurokoa, eta horren atzetik daude Moldis Echarro S.L., 20,4 milioireki,n eta Abaroa S.A., 17 milioirekin.
Baensa eta Eroste S.L. ere 10 milioi eurotik gorako zorrarekin daude, 11,4 eta 10,3 milioi eurorekin hain zuzen ere.
Kopuru handienak zor dituztenen artean daude, erea berean, Industrias Domesticas (10 milioi), PV Nueva Promotora 2005 S.L. (8,3), SPM del Montesa (8,2), Saic & Sonda Asociados S.L. (8,7), Edesa Sociedad Cooperativa (5,48), Esabe Vigilancia S.A. (6,6), Hierros Abelleira S.L. (5,6) eta Mecanica de La Peña (5,1).
