Ekonomia -
Zirkulazioa
Nafarroako Autopistako (AP-15) 2021eko tarifak eta ordainsariak onartu dituzte
Tarifa berriak ezarrita, eta beherapenak kontuan hartuz gero, prezioetan ia ez da gorabeherarik izango 2020koen aldean.
agentziak | eitb media
Nafarroako Gobernuak Nafarroako Autopistako (AP-15) 2021eko oinarrizko tarifak, ordainsariak eta ordainsarien beherapenak onartu ditu.
Nafarroako Gobernuak ohar batean jakinarazi duenez, urtero gaurkotzen dira prezioak esleipena duen enpresarekin duten kontratuan oinarrituta.
Hala, 2021eko tarifak urtarrilaren 1ean jarriko dira indarrean, 2019ko azaroaren 1etik 2020ko urriaren 31ra artean izandako KPIren (% -0,8) % 95a -0,760ko koefizientearekin.
Tarifa berriak ezarrita, eta beherapenak kontuan hartuz gero, prezioetan ia ez da gorabeherarik izango 2020koen aldean.
Gainera, 2021eko urtarrilaren 1etik aurrera ere ezarriko zaie beherapen gehigarria ibilgailu arinei (1 klasekoak), joan-etorria 24 orduko tartean eginez gero, Nafarroako Gobernuak 2019ko urtarrilaren 23an erabakitako baldintzetan oinarrituta.