Ekonomia -

BIZKAIKO ERREPIDEAK

Bizkaiak 150 milioi inbertituko ditu hiru bidesariak mantentzeko 2026ra arte

Kontratu horiek zenbat arlotan berrikuntza-neurriak aplikatzea jasotzen dute, hala nola ingurumen-jasangarritasunean, errepidearen sentsorizazioan edo BIM metodologia digitalaren erabileran.

AP-8 autobidea Bizkaian. Argazkia: EITB
AP-8 autobidea Bizkaian.
AP-8 autobidea Bizkaian. Argazkia: EITB

A. S. | EITB Media

Whatsapp Facebook Twitter Telegram Email

Bizkaiko Foru Aldundiak AP-8, Bilbo hegoaldeko saihesbidea eta Artxandako tunelak kontserbatzeko, mantentzeko eta ustiatzeko kontratuak lizitatu ditu bost urterako, 2026ra arte, 150,5 milioi euroko zenbatekoan.

Aldundiak astelehen honetan adierazi duenez, lehen aldiz Bizkaiko errepide-sareko hiru ordainlekuetarako kontratu horiek baldintza gisa jasotzen dute berrikuntza-neurriak aplikatzea ingurumen-jasangarritasunari, errepidearen sentsorizazioari edo BIM metodologia digitalaren erabilerari dagokionez.

Kontratuaren 150,5 milioi euroetatik, 79 milioi AP-8ri dagozkio eta 71,5 milioi Artxandako tunelei eta Bilboko hegoaldeko saihesbideari.

Bi kontratuen helburua azpiegitura egoera onean mantentzea, ibilgailuak segurtasunez eta arintasunez ibiltzea, segurtasun-baldintzak kontrolatzea eta hobetzea, eta bidesarien kobrantza kudeatzea dira.

Kontratuak bost urterako izango dira: 2021eko ekainetik, indarrean daudenak amaitzen direnetik, alegia, 2026ko ekainera arte.

Foru Aldundiak adierazi duenez, berrikuntza baldintzak sartzeaz gain, kontratuen beste berrikuntzetako bat ebaluazio adierazleak txertatzea izango da, "zerbitzuan ahalik eta kalitate handiena" lortzeko. Adierazle horiek izango dituzte, hala nola, bide-segurtasunean, laneko segurtasunean, erabiltzaileen erreklamazioetan, kontserbazio eta zaintza zerbitzuaren kalitatean edo erabiltzaileengan izandako eraginetan.

Artxandako tunelak eta Bilboko hegoaldeko saihesbidea mantentzeko eta kontserbatzeko hurrengo kontratua zabalagoa da; izan ere, 2023ko udaberrian, AP-68arekin lotzen den MHSren zati berria martxan jartzea aurreikusten du.

Hau zure interesekoa bada, baliteke beste gai hauek ere izatea
Bilboko albisteak Bizkaiko albisteak Ekonomia 2024 Gaurko titularrak Gaurko azken ordukoa A8 autobidea gaur Bizkaiko Foru Aldundia albisteak Supersur Bilbo Istripua Txorierriko igarobidean gaur