Ekonomia -
KORONABIRUSA
SOS Ostalaritzak kontzentrazioa deitu du Gasteizen, balizko murrizketa berrien aurka
Ostalarien kolektiboak elkarretaratzea egingo du Eusko Jaurlaritzak Gasteizen duen egoitzaren aurrean, sektorearen alde eta koronabirusagatik ezarritako neurri murriztaileen kontra.
O.A. | EITB MEDIA
SOS Ostalaritza plataformak deituta, ostalariek elkarretaratzea egingo dute gaur, Gasteizen, Eusko Jaurlaritzak Gasteizen duen egoitzaren aurrean, sektorearen defentsan eta koronabirusagatik Euskal Autonomia Erkidegoan ezarrita dauden neurri murriztaileen aurka. Hain zuzen ere, LABIren Aholku Batzordeak 12:00etan egingo du batzarra, neurri berriak ezarri ala ez erabakitzeko.
Kontzentrazioa 16:00etan egingo dute.
Sare sozialetan zabaldutako mezuan salatu dutenez, "beste behin ere, gure etorkizuna erabakitzen, gurekin kontatu gabe".
Ez da azken aldian ostalaritza sektoreko profesionalek egin duten mobilizazio bakarra. Izan ere, beren jarduera mugatzen duten neurriak salatzeaz gain, diru-laguntzak ere aldarrikatu izan dituzte aurretik.
Bestalde, Gipuzkoako Ostalaritza Elkarteak bere babesa adierazi dio gaurko mobilizazioari, baina zehaztu ez duela parte hartu antolakuntzan.
