Ekonomia -
Krisia Italian
Monti 15.000 milioi euroko doitze plana prestatzen ari da
Italiako lehen ministroak datorren astean aurkeztuko ditu murrizketa neurriak Parlamentuan. Zenbateko hori Europar Batasunak exijitutako 64.000 milioi euroko doitze planari gehituko zaio.
Erredakzioa
Mario Monti Italiako lehen ministroa 15.000 milioi euroko doitze plana prestatzen ari da. Datorren aste amaieran aurkeztuko ditu murrizketa neurriak Parlamentuan, Eurotaldeak azaroaren 29an eta Europako Batzordeak abenduaren 8an egingo dituzten bileren artean, Corriere della Sera egunkariak jakinarazi duenez.
Europar Batasunak eskatutako erreformak betetzen ari diren ala ez frogatzeko Erromara bidalitako Europako Batzordeko ikuskatzaileek gogorarazi dute 2013an aurrekontuen egonkortasuna lortzeko 15.000 milioi euro gehiago murriztu beharko dituela Italiak. Hain zuzen, zenbateko hori Europar Batasunak 64.000 milioi euro aurrezteko eskatutako planari batu behar zaio.
Batzordeak Italiaren inguruko txostena datorren azaroaren 29an aurkeztuko die Ekonomia ministroei, Eurotaldearen bileran, bitartean, Montik, Europako Batzordeari abenduaren 8an aurkeztu nahi dio doitze plana.
