Ekonomia -

Lan gatazka

Bi greba egunetako lehena dute gaur Arabako adinekoen egoitza pribatuetan

Bigarrena, gaur zortzi egingo dute. ELAk langileen baldintzak hobetzea eskatu du.

Adinekoen zentro bateko egoiliar batzuk. EITB MEDIAren bideo batetik ateratako argazkia.
Adinekoen zentro bateko egoiliar batzuk.
Adinekoen zentro bateko egoiliar batzuk. EITB MEDIAren bideo batetik ateratako argazkia.

E. G. | EITB MEDIA

Whatsapp Facebook Twitter Telegram Email

Greba eguna dute gaur Arabako adinekoen egoitza eta etxebizitza komunitario pribatuetan. Gaurkoaren ondotik, bigarren greba egun bat deitu du ELA sindikatuak hilaren 24an. Langileek giza katea egingo dute, 11:00etan, Gasteizko udaletxearen eta Foru Aldundiaren egoitzaren artea, eta babesa adierazi nahi duten herritar guztiei parte hartzeko deia egin diete. 

Beharginon "lan prekarietatea" salatu nahi dute bi lanuzteokin, sindikatuak azpimarratu duenez.

ELAk gogorarazi du lurraldeko lan hitzarmena negoziatzeko urtarrilaren 11n bilera egin zutela enpresek langileen ordezkariekin.

Batzarrean ez ziren enpresa guztietako ordezkariak izan, eta bertaratu zirenek "Aldundia kritikatu zuten finantzazioa ez emateagatik".

Sindikatuaren esanetan, "Aldundiaren eta enpresen artean dagoen borroka horren erdian" langileak daude eta mobilizatzen jarraituko dute hitzarmena lortzeko.

Hau zure interesekoa bada, baliteke beste gai hauek ere izatea
Araba ELA Grebak Ekonomia Eguneko albisteak Albisteak Adinekoentzako egoitzak Sindikatuak Lan gatazkak Arabako Foru Aldundia