Publizitatea
Itxi

2021/04/14

11:33

Ekonomia

Ekonomia suspertzeko plana

Espainiako Gobernuak hiru hilabetez luzatu du alokairuaren eta etxegabetzeen luzapena

N. B. | EITB MEDIA

Bestalde, energia aldetik eraginkorrak diren eraikinetan alokairu sozialeko etxebizitzak eraikitzeko 1.000 milioi euro bideratuko dituztela iragarri du Sanchezek.

  • Kaleratzeak Stop plataformaren elkarretaratzea

    Kaleratzeak Stop plataformaren elkarretaratzea. Argazkia: EFE.

  • Whatsapp
  • Whatsapp
  • Telegram
  • Bidali

Pedro Sanchez Espainiako Gobernuko presidenteak asteazken honetan iragarri duenez, hiru hilabetez luzatuko dituzte alokairua luzatzeko eta etxegabetzeak eteteko politikak.

Diputatuen Kongresuan Errekuperazio, Eraldaketa eta Erresilentzia Plana aurkezteko egin duen agerraldian, Sanchezek iragarri du salbuespenezko neurri horiek hiru hilabete gehiago luzatuko direla, maiatzaren 9an alarma egoera amaitu ostean.

Zehazki, etxebizitzaren alokairu-errentaren luzamendua edo barkatze partziala eskatzeko aukera zabalduko da, errentatzailea edukitzaile handia edo erakunde publikoa denean, bai eta sei hilabeteko ezohiko luzapenaz balia daitezkeen kontratuak ere, egiten ari ziren baldintza berberetan.

Halaber, hiru hilabetez luzatuko da errentari ahulen etxegabetzeen eta kaleratzeen etendura,

Halaber, hiru hilabetez luzatuko da etxegabetzeen etendura eta bizileku aukerarik ez duten errentari ahulen kaleratzea.

"Etxebizitza duin eta egokia" bermatzeko premiazko neurri horiei Estatuko lehen etxebizitza legea gehituko zaie "laster", gaineratu du Sanchezek.

Sanchezek azaldu duenez, martxoaren amaierara arte 225.000 hipoteka zorren moratoria, 373.000 hipotekazkoak ez diren kredituen etendurak eta 843.000 moratoria baino gehiago eman dira kalteberak ez diren zordunentzat.

Halaber, martxora arte 203.000 etxeri eman zieten bizitzeko gutxieneko diru-sarrera, 565.000 pertsona baino gehiagori hain zuzen ere.

Etxebizitza programa

Sanchezen Gobernuak 1.000 milioi euro erabiliko ditu energetikoki eraginkorrak diren eraikinetan alokairu sozialeko etxebizitzak eraikitzeko. Proposamen hori hiri-birgaitzera eta -berroneratzera bideratutako 6.820 milioien barruan dago 2021-2023 aldian.

Espainiako Gobernuak alokairu eskuragarriko 100.000 etxebizitza publikora iristea du helburu.

Hezkuntza- eta enplegu-arloko lanbide-heziketa bateratzea

Halaber, datozen hilabeteetan hezkuntza sistemako Lanbide Heziketa eta Enplegurako Lanbide Heziketa bateratuko dituen lege bat onartzea aurreikusten du, "hazkunde ekonomikorako palanka" izan dadin, Sanchezen arabera.

"Datozen asteetan" Bruselara bidaliko duten planak epe laburrean ekonomia berreskuratzea eta epe luzerako eraldaketa lortzea du helburu, giza kapitalean, zientzian edo teknologian egindako inbertsioari esker.

Pandemiaren ondorioak arintzeko martxan jarritako beste neurri batzuk enplegua aldi baterako erregulatzeko espedienteak dira (maiatzaren 31n amaitzen dira eta "luzapen berri bat lantzen ari dira"), eta horien kostua "ia 30.000 milioi eurokoa" izan da.

Gainera, 608 .00 enpresak baino gehiagok Kreditu Ofizialeko Institutuaren likidezia-abalen lineei heldu diete, eta horri esker 118.600 milioi euro baino gehiago mobilizatu ahal izan dira, eta beste 44.600 enpresak Kreditu Ofizialeko Institutuaren inbertsiorako abalak eskuratu dituzte, 5.000 milioi euro mobilizatuta.

  • Bisitatuena

      Kargatzen ikusiena
      Kargatzen ikusiena