Estatuaren eta Euskadiren arteko desadostasuna 83 milioikoa da

Euskal Autonomia Erkidegoak Estatuari urtero ordaindu behar dion kupoa erabakitzeko bilera egin dute gaur Madrilen Carlos Aguirrek eta Antonio Beteeta Estatu idazkariak. Bilera horretan ez dute akordiorik lortu.

Euskadik Estatuari ordaintzen dion kopuruari 100 milioi euro murriztu nahi dizkio, bereak ez diren eskumenen gastua "bere egiten dituelako" Euskal Autonomia Erkidegoak, tartean enplegu politika aktiboen ingurukoak. Hori da Agirrek Madrilera eraman duen aldarrikapena, kazetariei azaldu dienez. Bere hitzetan, esparru horiek Estatuarenak dira oraindik, ez baitira eskumenak transferitu.

Aguirreren kalkuluen arabera, 83 bat milioi eurotan dago Estatuaren eta Euskadiren arteko desoreka, gehien bat, enplegu politika aktiboen hainbat puntuengatik.

Estatuak 60 milioi euro gehiago euskatu dizkiote Jaurlaritzari, beraiek ere ez dagozkien eskumenak eskaintzen dituztela argudiatuta.

Jarrerak ez dira lehen bilera horretan hurbildu, eta hilabete bat barru berriz elkartzekotan gelditu dira. Bien bitartean, kupua dagoenean mantenduko dute (gaur egun 1.242 milioi euro ordaintzen dizkio Euskadik Estatuari).

Kupuaren Legea bost urteetarako hitzartzen dute Euskadik eta Estatuak. Orain, lege berria adostu beharko dute Jaurlaritzak eta Mariano Rajoyren Gobernu berriak.