Ekonomia -
Elkarrizketa Radio Euskadin
LABek Bilduren menpeko gehiengo sindikala nahi duela salatu du ELAk
Txiki Muñozen arabera, euskal gehiengo sindikalaren "krisia" ELAk Gipuzkoan Bilduk hartutako erabaki batzuk kritikatu dituelako sortu da.
Erredakzioa
Ezker abertzalea erakundeetara iritsi ondoren, Bilduk Gipuzkoako gobernua lortuta, LABek euskal gehiengo sindikala alderdiaren menpe egoteko bakarrik nahi izatea salatu du Adolfo 'Txiki' Muñoz ELAko idazkari nagusiak.
"ELAk ez du hori egingo; guk alderdi guztiengana joko dugu, batez ere bizi dugun egoera latza ikusita", esan du Muñozek Radio Euskadin egindako elkarrizketan.
ELAko arduradun nagusiaren hitzetan, euskal gehiengo sindikalaren "krisia" ELAk Gipuzkoan Bilduk hartutako erabaki batzuk kritikatu dituelako sortu da, batez ere politika fiskalaren alorrean. LABek, gainera, ez du kritikekin ezta erabakien kontrako mobilizazioekin bat egin nahi izan.
Confebaskekin negoziazioa
UGT, CCOO eta LAB sindikatuek Confebaskekin egiten ari diren negoziazioari dagokionez, patronalak nahi duen gauza bakarra lan-malgutasuna, "txeke zuria", eta sindikatuek krisiaren arduradunen soldatak onartzea dela salatu du.
