Gipuzkoako Ogasunak 312 milioiko iruzur fiskala atzeman zuen 2011n

Gipuzkoako Foru Aldundiak 312 milioi euroko iruzur fiskala atzeman zuen 2011n, aurreko urtean baino % 1,6 gutxiago, diru-sarrerak gutxitzearen ondorioz.

Igoera handiena PFEZ pertsona fisikoen errentaren gaineko zergan izan da, % 39,4koa, hain zuzen. BEZ zergan, berriz, % 23 jaitsi da iruzurretan atzemandako diru kopurua, Helena Franco Ogasun diputatuak Gipuzkoako Aldundiko batzarrean azaldu duenaren arabera.

Iaz ustezko iruzur fiskalagatik epaitegira 19 espediente eraman zituztela esan du, 36,6 milioi euroko balioarekin.

Aldundiko arduradunek azaldu dutenez, 114.400 ekintza egin dituzte 2010-2011 artean, aurreko urtean baino % 9,6 gehiago.