Ekonomia -

ITP Aero

Salerosketak eragindako "ziurgabetasuna" dela eta, ITPko batzordeak informazioa eskatu dio zuzendaritzari

Langileen kezka nagusia da enplegua bermatuko ote den. Hori dela eta, bilera bat eskatu dute enpresako egungo arduradunekin.

Zamudioko ITP Aero. Argazkia: EFE.
Zamudioko ITP Aero. Argazkia: EFE.
Zamudioko ITP Aero. Argazkia: EFE.

Agentziak | EITB Media

Whatsapp Facebook Twitter Telegram Email

Zamudioko ITP Aeroko enpresa-batzordeak informazioa eskatu dio konpainiako zuzendaritzari, jabeak aldatuko direlako, Rolls-Roycek Bain Capital funtsari enpresa saldu ostean, batzordeko iturriek jakitera eman dutenez.

Astelehen honetan kaleratutako akordioaren arabera, AEBko funtsak 1.600 milioi euroren truke erosi du ITP Aero, eta Sapa eta JB Capital taldeek ere parte hartzen duten partzuergo baten buru izango da.

Batzordeak adierazi duenez, une honetan "ziurgabetasun handia" dago langileen artean, eta beren kezka nagusia enplegua bermatzea da. Hori dela eta, bilera bat eskatu dute ITP Aeroko arduradunekin, zalantzak argitzeko eta operazioaren xehetasunak emateko.

ELAk Jaurlaritzaren koherentzia falta kritikatu du

ELA sindikatuak gogor kritikatu du Jaurlaritzaren "koherentzia falta"; izan ere, Bain funts estatubatuarrari ITP-Aero saltzearekin enplegua mantentzeaz kezkatu dela uste du, baina duela hilabete batzuk ITP-Aerok Euskadin 200 lanpostu bertan behera utzi zituenean ez zuen ezer egin.

ELAk ohar batean gogorarazi duenez, ITPk Zamudioko egoitzatik 121 langile kaleratu zituen CCOOrekin eta UGTrekin hitzartutako enplegu-erregulazioko espediente batekin, eta PCB-ITP filialean 83 langile lanik gabe utzi zituen,. Gainera,  ITP Externals bezalako beste filial batzuetan langile kopurua murriztu zuten.

"Jaurlaritzaren koherentzia falta kritikatzen dugu; izan ere, dirudienez, azken aste hauetan, salerosketaren ondorioez arduratu da, esate baterako, enpleguaz, eta  ITP-Aeron azken hilabeteetan kaleratuta 200 langileren kaleratzeen aurrean, beste alde batera begiratu du", adierazi du.

Era berean, ELAren hitzetan, Rolls & Roycek pandemia egoera aprobetxatu zuen kaleratze horiek burutzeko eta "salerosketa horretan etekin gehiago lortzeko", eta Bain Capitali lanpostu guztiak mantentzea eskatu dio, PCBn kaleratutako 83 langileak berriro hartzea barne, baita lan baldintzak mantentzea ere.

Hau zure interesekoa bada, baliteke beste gai hauek ere izatea
Lana Ekonomia Eguneko albisteak Albisteak Enpresaburuak