Itxi

2021/10/07

20:02

Ekonomia

Industria

Bilboko Makina-erremintaren Biurteko Azoka 2022ko ekainean itzuliko da BECera

AGENTZIAK | EITB MEDIA

Iragarpena Milango nazioarteko azokan egin dute. Iazko edizioa bertan behera utzi behar izan zuten, pandemiaren eraginez.

1:18
Milango azoka. EITB Mediaren bideo batetik ateratako irudia.
  • Whatsapp
  • Whatsapp
  • Telegram
  • Bidali

Bilboko Makina-erremintaren Biurteko Azoka 2022ko ekainaren 13tik 17ra bitartean egingo dute Barakaldoko BEC erakustazokan, iazko edizioa pandemiaren eraginez bertan behar utzi behar izan eta gero.

Milango nazioarteko manufaktura industriaren azokan egin dute. Erakusketa horretan 34 herrialdetako 700 enpresa batu dira beren makina berriak erakusteko. Tartean daude Euskal Herriko 24 enpresa.  

Bilboko Makina-erremintaren Biurteko Azoka Barakaldoko BEC erakustazokak eta Advanced Manufacturing Technologies konpainiak antolatzen dute, Eusko Jaurlaritzaren eta makina-erremintaren inportatzaileen elkartearen laguntzarekin.

31. edizioa 2022ko ekainaren 13tik 17ra bitartean antolatuko dute. Milanen egin duten aurkezpenean izan da Arantxa Tapia Ekonomia sailburua eta adierazi du enpresa askorentzat "oso gogorra" izan zela azoka bertan behera utzi behar izatea.   

Hala ere, "industriak bultzatuko du gure ekonomia eta Bilboko biurteko azokak horren erakusgarri izango da", azpimarratu du.

 

  • Bisitatuena

      Kargatzen ikusiena
      Kargatzen ikusiena
    ;