Ekonomia -
Ministro Kontseilua
Gobernuak gastu-muga eta egonkortasun legea onartuko ditu gaur
Muga onartu eta gero, Exekutiboa 2012ko Aurrekontuak prestatzen hasiko da.
Erredakzioa
Espainiako Gobernuko Ministro Kontseiluak 2012ko aurreikuspen ekonomikoak, gastu-muga eta aurrekontu-egonkortasunaren lege-proiektua onartuko ditu gaur.
Gastu-muga onartutakoan, 2012ko Aurrekontu Orokorrak prestatzen hasi ahalko da.
Bilera 09:00etan hasiko da, eta lehen aldiz, Soraya Saenz de Santamaria presidenteordeak zuzenduko du, Mariano Rajoy presidentea Bruselan baitago, Europako Kontseiluaren bileran parte hartzen.
Ministroek aurrekontu-egonkortasunaren lege-proiektua ere onartuko dute, ondoren Gorte Orokorretera igortzeko. Ministro Kontseiluak otsailaren 13an eman zion oniritzia aurreproiektuari.
Lege horrek muga zorrotzak ezarriko dizkio gastu publikoari, eta zigorrak aurrez ikusiko ditu betetzen ez dituztenei.
Gainera, Senatuari Gobernuaren gastu-muga betatzeko eskubidea itzuliko dio.
