Ekonomia -
Lan erreforma
CCOO eta UGT: 'Lan erreformak etengabeko atzerakada eragingo du'
Gobernuak krisiaren "moralik gabeko probetxua" atera nahi duela salatu dute sindikatuek, denarekin amaitzeko, baina eurek galarazi egingo diotela esan dute.
Erredakzioa
Ignacio Fernandez Toxo eta Candido Mendez CCOO eta UGTko idazkari orokorrak ohartarazi dute lan erreformak etengabeko atzerakada eragingo duela.
Horregatik, sindikatuek gizarteari ohartarazteko betebeharra dutela esan du Mendezek. Manifestazioak sindikatuen eta Gobernuaren arteko norgehiagoka direla esaten dutenei kritika egin die UGTko idazkari orokorrak, "sindikatuak hatz demokratikoak gara, eta lan erreformak eragiten dituen arazo larriak seinalatzen ditugu".
Gainera, Gobernuak krisiaren "moralik gabeko probetxua" atera nahi duela salatu du, baina sindikatuak galarazi egingo diotela gaineratu du.
Gaurko Espainia osoan deitu diren 60 manifestazioak lan erreformaren aurkako protesta "irmoa" direla ziurtatu dute, eta Gobernuaren neurriek bide "ezezagun eta arriskutsura" eramaten dutela diote.
Gobernuak gizartearen errefusari kasu egitea espero du Toxok.
