Montoro: 'Ez dugu BEZ igoko, ezta ahulenei kalte egin ere'

Cristobal Montoro Ogasun eta Administrazio Publikoen ministroak "BEZ eta ahulenei kalte egiten dien beste edozein zerga berezi" ez dutela igoko adierazi du. Ondorioz, ez diote kontsumoari edo "gure herritarren bizitza mailari" kalte egiten dion erabakirik hartuko, "argi geratu dadila", gaineratu du.

Horrez gain, ministroak azpimarratu egin du "langabeen diru-laguntzetan ere ez dela inolako murrizketarik egingo".

Bestalde, Cristobal Montorok "bateratuta" egon behar dugula esan du "krisi ekonomikotik ateratzeko, aurrekontuak orekatuz, eta horrek gastu handiko proiektuei agur esan behar diegula esan nahi du, baina baita gastu murrizketa horiek nori eragiten dioten ondo aztertzea ere, eta kaltedunak ez dira ahulenak izango".