Ekonomia -
Kutxaren azken Batzar Orokorra
'Hipoteka ordaindu ezin dutenekin sentsibilitatez jokatzen dugu'
Etxetik kaleratzeek eragiten dituzten ondorioak leuntzeko Gizarte Ekintzarako bideratutako aurrekontua erabiliko dutela iragarri du Xabier Iturbe Kutxako presidenteak.
Erredakzioa
Hipoteka ordaindu ezin dutenen kasuetan Kutxa ''sentsibilitatez'', ''ulermenez'' eta ''malgutasunez'' aritzen dela esan du ostiral honetan Xabier Iturbe Kutxako presidentea, eta etxetik kaleratzeek eragiten dituzten ondorioak leuntzeko Gizarte Ekintzarako bideratutako aurrekontua erabiliko dutela iragarri du.
Kutxak egin duen azken Batzar Orokorrean egin ditu adierazpenak Iturbek. Mario Fernandez BBK-ko presidenteak egindako adierazpenen ildotik, ''egoera eragiten dituen ondorioak leuntzeko beharrezkoak diren laguntzak'' bideratzea proposatu du, baina, betiere, Gizarte Ekintzarako bideratutako aurrekontua erabiliz.Izan ere, Iturberen hitzetan, laguntza horiek ez diete erakundearen emaitzei kalterik egin behar.
'Stop Desahucios' erakundearen elkarretaratzea
Kutxaren egoitzaren kanpoaldea 'Stop Desahucios' erakundeak elkarretaratzea egin du, etxea ordainean emateko aukera Euskadin 360.000 euroan kokatzea eskatu dute.
