Ekonomia -
Greziako krisia
Greziak eurotik eta EBtik at geratzeko arriskua duela esan du Lagardek
Lagarderen iritziz, "oraindik botika gehiago hartzeko beharra dago, eta hori da euroguneko hegoaldeko herrietan eta Irlandan gertatzen dena".
Erredakzioa
Christine Lagarde Nazioarteko Diru Funtzeko (NDF) zuzendariak ez du Greziak porrot egitea baztertzen, eta eurotik eta Europar Batasunetik (EB) atera beharra ere, CBS telebista kateak igandean emango duen elkarrizketan.
Lagardere iritziz, "oraindik botika gehiago hartzeko beharra dago, eta hori da euroguneko hegoaldeko herrietan eta Irlandan gertatzen dena".
CBSko elkarrizketa osoak Greziako krisia eta eurogunean izan duen eragina izango ditu ardatz nagusi. Greziako ekonomia txikia da, baina bere zorrak, Barne Produktu Gordinaren % 168, arriskuan jarri du eurogune osoko ekonomia.
Alemania begitan dute greziarrek
Elkarrizketa "60 minutu" izeneko saioan emitituko dute. Christine Lagardez gain, Wolfgang Schäuble Alemaniako Finantza ministroa ere agertzen da. Schäuble-k onartzen duenez, Greziako hedabideek Alemania egoeraren errudun kuttuntzat hartu dute.
Greziarrek politikari alemaniarrei dieten gorrotoaz galdetu diotenena, Schäublek esan du jarrera normala dela, egoera ikusita: Greziak murrizketa handiak egin behar izan ditu gehienbat Alemaniako hartzekodunen eskuetan dagoen zorra ordaintzeko.
