Ekonomia -

Industria

Sestaoko ACBk itxita jarraituko du martxoaren 23ra arte, elektrizitatearen kostuagatik

Aste honetan egoera aztertuko dute, produkzioa berreskuratzera begira, Europa Pressek aipatutako ArcelorMittalen iturrien arabera.

Sestaoko ACB lantegia. Artxiboko irudia: ELA
Sestaoko ACB lantegia.
Sestaoko ACB lantegia. Artxiboko irudia: ELA

Agentziak | EITB Media

Whatsapp Facebook Twitter Telegram Email

Sestaoko ACBko lantegiak geldituta jarraituko du, gutxienez martxoaren 23ra arte, elektrizitatearen prezioaren ondorioz. Aste honetan aztertuko dute egoera, produkzioa berreskuratzera begira, Europa Pressek aipatutako Arcelor Mittalen iturrien arabera.

Energiaren kostu altua da, iturrien arabera, ekoizpenik gabe jarraitzeko arrazoia. Langileei behin-behineko lan-erregulazioko espedientea aplikatu diete.

Momentuz, hamar egun egongo da geldituta, zehaztutako lanegun eta atseden egutegiari jarraituta. Beraz, martxoaren 23ra arte, gutxienez, ez dute lanik egingo. Aste honetan aztertuko dute berriro egoera. Prezioen eboluzioa jarraitu eta hurrengo egunetarako prebisioa egingo dute, ekoizpenari berriro ekin ahal dioten ikusteko.

Bestalde, Olaberriako (Gipuzkoa) ArcelorMittalen lantegia "aldizka" jarraituko dute lanean, elektrizitatearen kostua txikiagoa den orduak aprobetxatuta.

Hau zure interesekoa bada, baliteke beste gai hauek ere izatea
Errusiaren inbasioak eragindako krisia Sestao Bizkaia Gipuzkoa Ekonomia Eguneko albisteak Albisteak Elektrizitatea Industria Errusia-Ukraina gerra