BBVAk 1.651 milioiko irabaziak izan ditu martxora arte, % 36,4 gehiago

BBVA taldeak 1.651 milioiko irabaziak izan ditu aurtengo lehen hiruhilekoan, % 36,4koa kanbio-tasa arruntetan eta % 41ekoa euro finkoetan, jardueraren dinamismoak (% 10,6 gehiago) eta arrisku adierazleen hobekuntzak eragindako diru-sarreren gorakadari esker.

2022ko urtarrilaren eta martxoaren artean, taldearen emaitza errepikaria inoizko onena izan da. Emaitza errepikaria epe zehatz batean izaten diren irabaziak dira, ezohiko diru-sarrera zein gastuak kontuan hartu gabe, eta gauza bera gertatu da marjina garbiarekin. Hala, emaitza errepikaria % 68,4 handiagoa izan da, 2021eko lehen hiruhilekoarekin alderatuta, entitateak jakinarazi duenez.

2021eko lehen hiruhilekoko eragin ez errepikariak alde batera utzita, hau da, etendako jarduerei, BBVA USAri eta 2021eko ekainaren 1ean PNCri saldutako sozietateari dagozkienak, taldeari esleitutako emaitzak % 59,8 egin zuen gora urtetik urtera.

"Aurtengo lehen hiruhilekoan emaitza paregabeak lortu ditugu, dinamika onak erdietsita negozio-unitate guztietan, gehienbat jardueraren dinamismoak (% 10,6 gehiago) eta arrisku adierazleen hobekuntzak eragindako diru-sarreren gorakadari esker. Errentagarritasunaren eta eraginkortasunaren hobekuntza azpimarragarriak dira, eta gure lehiakide europarren mailan kokatzen gaituzte. Emaitza hauek sendotu egiten dute 2024rako jarritako helburuak lortuko ditugun konfiantza", esan du Onur Genç BBVAren kontseilari delegatuak.