Erreformaren eraginaren berri emateko epea agortuko dute bankuek

Astelehenean merkatuak zabaldu baino lehen, egoera onean dauden aktiboei aurre egiteko funts-hornidura berriek ekarriko duten eraginen berri eman behar dute banketxeek.

Balore Merkatuaren Batzorde Nazionalaren iturriek esan dutenez, Espainiako Bankuen Elkarteari eta Espainiako Aurrezki Kutxen Konfederazioari eskutitz bat bidali die burtsaren ikuskatzaileak, afiliatuei eragin honen berri emateko estutuz.

Ministro kontseiluak ostiralean onartu zuen finantza erreforma berria eta banketxeek aktibo osasuntsuen hornidurak 30.000 milioi eurotan handitu beharko dituzte oraingoan.

Kopuru hori finantza erakundeei 54.000 milioi euro baztertzea eskatu eta hiru hilabete beranduago iragarri dute, ondorioz, urtea amaitzerakoan, sektorearen aparteko onbideratzea 84.000 milioi eurokoa izango da.