Ekonomia -

Lan istripua

Langile bat hil da Oiartzunen izandako istripu ez-traumatiko batean

Ezbeharra astelehenean jazo zen, eraikuntza sektorean, baina gaur jakinarazi dute. Heriotza salatzeko bilkura deitu dute bihar arratsalderako.

EITB MEDIA

Whatsapp Facebook Twitter Telegram Email

Langile bat hil zen Oiartzunen (Gipuzkoa) astelehenean, eraikuntza sektorean ari zela, istripu ez-traumatiko batean. Ezbeharra herenegun izan bazen ere, gaur jakinarazi dute, xehetasun askorik eman ez duten arren.

Heriotza salatzeko bilkura deitu du LAB sindikatuak. 18:30ean izango da Oiartzungo plazan.

Astebetean Euskal Herrian lan istripuz hildako bosgarrena da Oiartzungoa. Lehengo ezbehar hilgarria Bermeon (Bizkaia) jazo zen, beste istripu ez-traumatiko batean. Garesen (Nafarroan) beste bi langile zendu ziren astelehenean, esnetegi batean. Ollokin maiatzean izandako istripu baten ondorioz erietxean zen langilearena izan zen laugarrena.

Urtea hasi zenetik, 36 behargin hil dira lanean ari zirenean, sindikatuek egindako kontaketaren arabera.

Hau zure interesekoa bada, baliteke beste gai hauek ere izatea
Lan-istripuak Gipuzkoa LAB Ekonomia 2024 Eguneko albisteak Oiartzun Eguneko albisteak Sindikatuen azken ordukoa