Ekonomia -

Bilera sindikatuekin

Siemens Gamesako CEOren hitzetan, erosteko eskaintzak "berez ez du enplegua deuseztatuko"

Madrilen egindako ordu erdi inguruko bileran, CCOO, UGT, ELA eta LAB sindikatuek industria proiektua eta etorkizuna zein enplegua bermatzea eskatu dute. Bi aldeek irailaren hasieran berriro biltzea espero dute.

Siemens Gamesa, Zamudio (Bizkaia). Foto: EFE
Siemens Gamesa, Zamudio (Bizkaia). Foto: EFE
Siemens Gamesa, Zamudio (Bizkaia). Foto: EFE

Agentziak | EiTB Media

Whatsapp Facebook Twitter Telegram Email

Madrilen egindako bileran, Siemens Energyren erosteko eskaintza publikoak "berez enplegua deuseztatuko ez" duela esan die Jochen Eickholt Siemens Gamesako CEOk CCOO, UGT, ELA eta LAB sindikatuei. Lanpostuak arlo korporatiboetan soilik deuseztatuko direla azaldu die, orain arte defendatu bezala. Konpainiaren arazoak konpontzeko "sinkronizaturik" egotea eskatu die sindikatuei, batez ere arlo eolikoan.

CCOOko iturriek jakitera eman dutenez, ordu erdi inguruko bileran, lau sindikatuek industria proiektua eta etorkizuna zein enplegua bermatzea eskatu dute. Siemens Energyk Zamudion egoitza duen enpresaren % 32,9 erosteko eta kontrolatzeko eskaintza publikoa egin zuen.

Espainian epe ertainera enplegurik deuseztatuko ez dela agindu du zuzendariak, Espainian "argazki ona dutelako"; baina sindikatuek "kezkaturik" jarraitzen dute, konpainia "gaizki doalako", emaitzak ikusita.

CCOOren ahotan, Jochen Eickholtek "industria" profila du, "zintzoa da, eta ideiak oso argi ditu". Erosteko eskaintza konpainiarentzat "bizirauteko aukera" bat izan dela azpimarratu die. Zentzu horretan, sindikatua "kezkatuago" azaldu da negozioaren bilakaerarekin, erosteko eskaintzarekin baino.

Bi aldeek irailaren hasieran berriro biltzea espero dute, sindikatuek gaurko batzarra baino lehen "bezain kezkaturik" jarraitzen dutelako.

Hau zure interesekoa bada, baliteke beste gai hauek ere izatea
Bizkaia Euskal Autonomia Erkidegoa Lana albisteak Siemens Gamesa Ekonomia Eguneko albisteak Albisteak Zamudio Enpresaburuak Energia berriztagarriak