De Guindos: 'Doikuntzari esker, desbideraketak orekatu ditugu'

Luis de Guindos Ekonomia ministroak larunbat honetan adierazi duenez, Autonomia Erkidegoen defizitaren harira ostegun honetan Finantza Politikari buruzko Kontseiluan egindako doikuntza "oso garrantzitsua da eta hiru edo lau hamarrekoko balizko desbideraketak konpondu ditu".

Guindosen arabera, osteguneko bileran egindakoa azpimarratu du Guindosek, "finantza alorrean erakunde publiko guztientzako koordinazioa lehen aldiz egon delako". Kanariar uharteetan izandako PPkp Lurralde-Batzordean egindako hitzaldian adierazi duenez, "doikuntza honek balizko desbideraketa orekatuko du".

Halaber, orokorrean defizita murrizteko autonomia erkidegoen bat-egitearen garrantzia azpimarratu du Ekonomia ministroak, "horrek hazkundearen bidera eramango gaituelako"

Gainera, Miguel Angel Fernandez Ordoñez Espainiako Bankuko presidenteari buruz galdetu diote eta "errespetu osoa" diola esan du Guindosek, bermak eta konfidantza eskaintzen duen erakunde honen buru den heinean.

Europako talde batek defizita aztertuko du

Halaber, Eurostat Europar Batasuneko estatistikarako bulegoak aditu talde bat bidaliko du Espainiara "atzerapenik gabe" defizit honen igoera berria argitzeko. "Eurostatek zehaztuko du erkidegoek egindako doikuntza sakona den ala ez", esan du Europar Batzordeko bozeramaile batek.

Urte hasieran Bruselak kexa bat aurkeztu zuen Espainiako Gobernuaren defizitaren gorabeherak direla eta. Joan den azaroan, Zapateroren Gobernuak defizita % 6koa izango zela eman zuen hitza.