Itxi

Ekonomia

Lan-gatazka

BetiOn telelaguntza zerbitzuko langileek hilabeteko grebari ekin diote

EITB Media

Beraz, adineko eta menpeko pertsonei laguntza ematen dien zerbitzua, berriz, zerbitzu minimoetan izango da uztailean. Eusko Jaurlaritzaren azpikontratatutako beste zerbitzu bat da, eta sektoreko baldintzak ez direla betetzen salatzen dute.

  • BetiON zerbitzuko langileak. Argazkia: ESK

    BetiON zerbitzuko langileak. Argazkia: ESK

LAB eta ELA sindikatuek deituta, BetiOn Euskal Autonomia Erkidegoko telelaguntza zerbitzu publikoko langileek hilabeteko grebari ekin diote gaurtik aurrera, asteazkenean hitzarmenari buruz hitz egiteko bilera akordiorik gabe amaitu ostean.

Beraz, adineko eta menpeko pertsonei laguntza ematen dien zerbitzua, berriz, zerbitzu minimoetan izango da uztailean. Eusko Jaurlaritzaren azpikontratatutako beste zerbitzu bat da, eta sektoreko baldintzak ez direla betetzen salatzen dute.

Beatriz Artolazabalen Sailetik apustu argia egin da urteotan, adineko eta menpeko pertsonei zuzenduriko telelaguntza zerbitzua sustatzeko. Berri ona da, eta langileek aitortzen dute, erabiltzaileak nabarmen areagotu izana azken urteotan; baina langile eta erabiltzaile ratioak oso txikiak dira; hala salatu du Alberto Perez LABeko ordezkariak.

Azpikontratatuko enpresa batek kudeatzen du zerbitzua, eta, ELA sindikatuaren arabera, ez dira sektoreko baldintzak errespetatzen: 200-300 euro arteko soldata baxuagoak dituzte.

Martxoan hasi ziren hainbat lanuzte egiten; sindikatuen arabera, ez enpresak ezta Jaurlaritzak ere, ez du inork ardura hartu. Uztailean, beraz, grebara joko dute langileek, eta BetiOnek larrialdi zerbitzu gisa soilik funtzionatuko du.

Zerbitzuko langileen protesta. Argazkia: ELA

Zerbitzuko langileen protesta. Argazkia: ELA

LAB eta ELA sindikatuek ohar batean gogorarazi dutenez, langileak martxotik ari dira grebak egiten hitzarmen "duin" bat eskatzeko, eta, negoziazioak zein egoeratan dauden ikusita, "hilabeteko greba deitzea beste aukerarik ez dute ikusi".

Azaldu dutenez, duela aste batzuk ireki zuen Eusko Jaurlaritzak zerbitzu horren lehiaketa publikoa, eta enpresak egoera hori "aprobetxatu" nahi du "hitzarmenik ezin dela sinatu esateko".

"Adierazi digute esleipena enpresarena izan arte ezin dutela hitzarmenik sinatu", gaitzetsi dute ELAk eta LABek, eta negoziazioak aurreko urteko azaroan hasi zirela adierazi dute. "Gaur arte, ez da, antza, une aproposik izan zerbait adostu eta aurreratzeko", eta nabarmendu dute Eusko Jaurlaritza ere "gatazka honi irtenbidea emateaz arduratzen den aldeetako bat" dela.

  • Bisitatuena

      Kargatzen ikusiena
      Kargatzen ikusiena