Wertek Hezkuntzan egin nahi dituen aldaketak kritikatu ditu Celaak

Isabel Celaa Hezkuntza sailburuak Jose Ignacio Werti esan dio onartezinak direla Herritarrentzako Hezkuntza ikasgaian gatazkei irtenbidea emateko edukiak egotea, eta hau "mugimendu ideologiko" baten emaitza izan dela uste du.

Hezkuntza sektoreko konferentziaren ostean, Celaak esan du bere erkidegoan Herritarrentzako Hezkuntza ikasgaiak besteak beste, "biktimekiko enpatia, bakearen kultura eta gatazkei irtenbidea emateko eztabaida" jasoko dituela.

Celaak jakitera eman duenez, Euskadik "orain arte" bezala lan egiten jarraituko du, eta ikasgaiaren edukia aldatzea ez ezik, horri izen berri bat jartzea "zentzugabekeria" dela gaineratu du.

Halaber, hartutako neurrien artean, beka-soldata bat lortzeko batez besteko nota 5etik 6ra igoko da, eta ez da betekizunik aldatuko unibertsitateetakoak ez diren beka orokorrentzat. Celaak azaldu duenez, egoera larrian dauden gazteak kaltetzen ditu horrek, azken batean, haren iritzian, esfortzu eta adimen gehiago eskatzen zaielako, eta berdintasun politikak hausten dituelako.

Herritarrentzako Hezkuntzak ez ditu "nazionalismo baztertzailea" hitzak izango

Gobernuak "nazionalismo baztertzailea" hitzak kenduko ditu Herritarrentzako Hezkuntzako ikasgai-zerrenda aldatzeko proiektutik, ostegun honetan Kataluniak hala eskatuta.

Montserrat Gomendio Hezkuntzako Estatu idazkariak azaldu duenez, Ministerioak ez zuen inor mindu nahi, ezta polemika sortu ere adierazpen hori munduko gatazken atalean sartzean.