Ekonomia -
Murrizketak
Euskadik 500.000 euro aurreztuko ditu goi-kargudunei pentsioak jaitsiz
Ordainketa osagarriak kenduko dizkiete oraindik 60 urte bete ez dituzten PSE-EEko sailburu eta sailburuordeei eta Juan Jose Ibarretxeren gobernuan egondakoei.
Erredakzioa
Euskadik urtean 500.000 euro aurreztuko ditu Jaurlaritzako 36 goi-kargudun ohiren erretiroetan egindako murrizketari esker. Goi-kargudun horiek gehienezko erretiroa gainditzen dute. Erabakia ostiralean hartu zuten, Legebiltzarrean, eta, ondorioz, biziarteko osagarriak kobratzeko eskubidea galduko dute.
Zehazki, erabakiak oraindik 60 urte bete ez dituzten PSE-EEko sailburu eta sailburuordeei eta Juan Jose Ibarretxeren gobernuan egondakoei.
Orain arte, Gobernuko Legeari esker, goi-kargudunek osagarri bat kobratzeko eskubidea zeukaten erretiroa hartzean. Horrek kargua uzterakoan soldataren % 50 kobratzeko bermea zuten, nahiz eta gehienezko pentsioa gainditu. Kobratzeko eskubidea izateko, nahikoa zuten karguan bi urte egotea.
Jaurlaritzak eskubide hori lehendakari izandakoei bakarrik gordetzea erabaki zuen.
57 goi-kargudun izandakoakGaur egun, 93 pertsonak kobratzen dituzte osagarriak, eta horietatik 36k gehienezko erretiro-pentsioa gainditzen dute. Aste honetan onartutako erabakiarekin, 36 horiek ez dituzte aurrerantzean osagarri horiek kobratuko. Gainontzeko 57ak bai, ordea.
