AEBek Espainiako bankuen erreskatea txalotu dute

Finantza-sistema birkapitalizatzeko Espainiak Europar Batasunari egindako diru-laguntzaren eskaera txalotu du larunbat honetan Timothy Geithner AEBetako Altxor idazkariak. "Espainiak erabakitakoa eta Europako bazkideek hori babestuz erakutsitako konpromisoa txalotu nahi dugu", esan du Geithnerrek ohar baten bidez.

"Neurri hau garrantzitsua da Espainiaren osasunerako eta euroaren egonkortzerako urrats zehatza eta funtsezkoa da", azpimarratu du.