Ekonomia -

Grebako aurreabisua

Greba egon liteke Gabonetan Hego Euskal Herriko aireportuetan

CCOOk, USOk eta UGTk adierazi dutenez, Aenako langileek 2018tik daramate kobratu gabe zenbateko jakin batzuk; horien gaineko erantzunik jaso ezean, lanuzteak egongo lirateke abenduaren 16an, 17an, 22an eta 23an eta urtarrilaren 6an eta 8an, 08:00etatik 00:00etara, eta abenduaren 31n egun osoan.

Bilboko aireportua, abenduko zubiaren hasieran. Argazkia: EFE.
Bilboko aireportua, abenduko zubiaren hasieran. Argazkia: EFE.
Bilboko aireportua, abenduko zubiaren hasieran. Argazkia: EFE.

EITB MEDIA

Whatsapp Facebook Twitter Telegram Email

Aenako CCOO, USO eta UGT sindikatuek greba aurreabisua egin dute Hego Euskal Herriko aireportuetan Gabonetarako. Greba espainiar Estatuko aireportu guztietan deituko lukete. Hain zuzen, langileek 2018tik daramate zenbateko jakin batzuk kobratu gabe, eta erantzun bat jaso nahi dute enpresaren aldetik, horien gainean. Ez balute jasoko, greba deialdia gauzatuko litzateke: abenduaren 16an, 17an, 22an eta 23an eta urtarrilaren 6an eta 8an, 08:00etatik 00:00etara, eta abenduaren 31n 24 ordukoa.

Jose Manuel Lorenzo Loiuko aireportuko Enpresa Batzordeko presidenteak EITB Mediari baieztatu dionez, sindikatuen itxaropena da greba azkenean ez deitzea; Bilboko aireportuan, 170 langileri eragingo lieke. Lorenzok espero du Aenak "gogoeta egitea", eta, ondorioz, abisua bertan behera uztea.

Hau zure interesekoa bada, baliteke beste gai hauek ere izatea
Loiuko Aireportuko Azken Ordukoak Grebak gaur Ekonomia berriak Gaurko titularrak Gaurko azken ordukoa Foronda albisteak Hondarribiko aireportua albisteak Lan gatazkak Iruñeko aireportua gaur