Ekonomia -

Autoen salmenta

2022an matrikulazioek % 11,2 egin zuten behera EAEn eta % 12,4 Nafarroan

Abenduan ibilgailuak kontzesionarioetara eramateko izan ziren garraio arazoengatik jaitsi da hainbeste autoen salmenta.

Matrikulazioek % 5,4 egin zuten behera 2022an, 814.000 ibilgailu gutxiago salduta
Matrikulazioek % 5,4 egin zuten behera 2022an, 814.000 ibilgailu gutxiago salduta
Matrikulazioek % 5,4 egin zuten behera 2022an, 814.000 ibilgailu gutxiago salduta

AGENTZIAK | EITB MEDIA

Whatsapp Facebook Twitter Telegram Email

813.396 auto eta lur orotako ibilgailu saldu zituzten Espainian 2022an, aurreko urtean baino % 5,4 gutxiago. Horrek esan nahi du kontzesionarioek ez dituztela aurreikuspenak bete, 830.000 unitate saltzea espero baitzuten.

Anfac, Faconauto eta Ganyam elkarteen arabera, abenduan ibilgailuak kontzesionarioetara eramateko izan ziren garraio arazoengatik jaitsi da hainbeste autoen salmenta. "Milaka ibilgailu" geldirik geratu dira, salmenta puntuetara iritsi ezinik. Ondorioz, bezeroek uste baino beranduago jasoko dituzte autoak.

Hain zuzen ere, 73.927 auto saldu zituzten abenduan. Iaz, hilabete berean, % 14,1 handiagoa izan zen salmenta.

Euskal Autonomia Erkidegoan, 21.948 auto saldu zituzten, horietatik 2191 abenduan; Nafarroan, berriz, 6.329, horietatik 635 abenduan.

Hau zure interesekoa bada, baliteke beste gai hauek ere izatea
Ukraina-Errusia gerrak eragindako krisia Gaurko albisteak Nafarroan EAE albisteak Espainia bideoak Gaurko azken ordukoa Industria gaur Automobilgintza Euskadin eta Nafarroan