Ekonomia -
Gipuzkoako enpresa
CAFek langile kopurua mantendu eta lan ordutegia murriztuko du
Gipuzkoako enpresa eta LAB eta ELA sindikatuak akordio batera heldu dira 2012 eta 2013 urteetarako. KPIren soldataren prezioan % 2ko igoera hartzen du akordioak.
Erredakzioa
CAF Gipuzkoako enpresa eta Beasaingo eta Irungo enpresetako ELA eta LAB sindikatuak akordio batera heldu dira 2012 eta 2013 urteetarako. Enpresak langile kopurua mantendu eta asteko lan ordutegia 35 ordura murriztuko du.
Sindikatuek jakitera eman dutenez, KPIren soldataren prezioan % 2ko igoera hartzen du akordioak, eta hainbat lizentziatan hobekuntzak jaso ditu. Halaber, segurtasun, garbiketa, jantoki eta lorezaintza zerbitzuak ematen dituzten enpresen langileentzako subrogazio akordioa hartzen du.
Paktuaren arabera, “lan jardueraren distribuzioa enpresa batzordearekin adostuta emango da”, eta “Preco bidea izango du gatazkentzako irtenbidea”.
LABek eta ELAk lortutako akordioaren edukiak nabarmendu dituzte eta bileratan gehiengoa izan dutela gaineratu dute.
