Krisi Ekonomikoa -
Bankia Auzia
Rato Kongresuan agertuko da gaur, Bankiaren kudeaketa babesteko prest
Bankiako presidente ohiak lehenengoz erakundearen krisiaren inguruan hitz egingo du. Halaber, Kongresuan agertuko da Elena Salgado Ekonomia ministro ohia.
Erredakzioa
Rodrigo Rato Bankiako presidente ohia ostegun honetan agertuko da Diputatuen Kongresuan lehenengo aldiz erakundearen krisiaren inguruan hitz egiteko, eta bere kudeaketa defendatzeko prest.
Ratoren inguruko iturriek jakitera eman dutenez, ministro ohia bere irudia garbitzen saiatuko da finantza taldearen kontuak inoiz faltsutu ez zituztela esanda.
Halaber, Bankia burtsan sartzean (merkatuetan tentsio handia zenean egin zuen) betebehar legal guztiak bete zituela esango du eta erregulatzaileek gainbegiratu zutela, hori guztia abokatu-langelek aholkatuta eta hainbat inbertsio bankuk bermatuta.
Azken gai horren inguruan bidea prestatuta izango du, atzo Miguel Angel Fernandez Ordoñez Espainiako Bankuko buru ohiak ideia hori babestu zuelako. Halaber, hark Rato Bankiako presidentetzatik botatzea akats bat izan zela azaldu zuen, nazioarteko ospeagatik.
Halere, babes hori izan arren, Fernandez Ordoñezek esandakoa zalantzazkotzat jarri lezake Ratok publikoki buru ohiaren partetik jaso zuen presioaren gain hitz egiten badu Caja Madrid eta Banja kutxen arteko bat-egitea ixteko, Bankiaren hazia.
Ratoz gain, Kongresuan Gobernuko beste bi presidenteorde izango dira, Elena Salgado eta Narcis Serra CatalunyaCaixako presidente ohia. Julio Fernandez Gayoso Caixa Novako presidente ohia ere bertan izango da.
