Espainia, lanik eta ikasketarik gabeko gazteen paradisua

Espainiako gazteen % 23,7k ez dute ikasten ezta lan egiten ere, hau da, Ekonomia Lankidetza eta Garapenerako Antolakundeko (ELGA) herrialdeen batez bestea (% 15,8) baino zortzi puntu gehiago.

ELGAk hezkuntzari buruz publikatutako azken txostenaren arabera, Espainia aztertutako 33 herrialdeen artean datu txarrenak dituen bosgarren herrialdea da.

Txostena 2010eko datuekin eginda dago. Horien arabera, Espainiak hirugarren hazkunde handiena izan du (zazpi puntu), Irlandaren eta Estoniaren atzetik. ELGAren batez besteko hazkundea 2,1 puntukoa izan da.