Greba-egunean atxilotutakoak aske geratu dira

Ertzaintzak sindikatu abertzaleek asteazkenerako deitu zuten greba orokorrean atxilotu zituen bost pertsonak aske geratu dira, Herrizaingo Saileko iturriek azaldu dutenez.

Atxilotuak –hiru Gasteizen, bat Orduñan eta bosgarrena Sestaon- atzoko egunean utzi zituzten aske, beharrezkoak diren izapide polizialak egin eta gero.

Gasteizen, Ertzaintzak hiru pertsona atxilotu zituen autoritatearen aurkako ustezko atentatua egotzita. Horietako batek harriak bota omen zizkien agenteei, eta beste biek, ustez, bengala bat bota zioten Poliziaren furgoi bati manifestazioa egiten ari ziren bitartean.

Urduña herrian, Ertzaintzak gizon bat atxilotu zuen ustez Renfeko trenbidean barrikada bat jartzen harrapatu ostean. Bosgarren atxiloketa Sestaon gertatu zen, pikete batean parte hartzen zuen gizon batek ustez polizia-agente batzuen aurkako irain eta heriotza-mehatxuak egin ostean.