Ekonomia -
ETXEBIZITZA
Nafarroako Gobernuak 21 udalerri izendatu ditu etxebizitza eremu tentsionatu
Ofizialki izendatutako udalerriek Nafarroako biztanleriaren ia % 70 hartzen dute.
Agentziak | EITB MEDIA
Nafarroako Gobernuak 21 udalerri Etxebizitzaren Merkatu Tentsionatuko Eremu ofizialki izendatzeko foru agindua onartu du, aurkeztutako zortzi alegazio idazkiak ebatzi ondoren.
Horrela, hainbat neurri hartuko dira: alokairuaren prezioak mugatzea, edukitzaile handien erregistroa edo zuzkidura-bizitokien mapa egitea, besteak beste. Etxebizitza, Gazteria eta Migrazio Politika sailburu Begoña Alfarok prentsaurrekoan eman du horren berri.
Biztanleriaren ia % 70 hartzen duten biztanle-guneak honako hauek dira: Iruñea, Tutera, Eguesibar, Burlata, Barañain, Zizur Nagusia, Lizarra, Aranguren, Berriozar, Tafalla, Antsoain, Atarrabia, Corella, Noain-Elortzibar, Cintruenigo, Baztan, Altsasu, Uharte, Berriobeiti, San Adrian eta Azkoien.
"Ekintzarik eza eta araudirik eza, edo, beste era batera esanda, operadore pribatuen ekintza eta arauketa, horietako batzuk praktika espekulatiboekin, ez da aukera bat, eta hortik dator adierazpen hau eta horren ondorioz hartutako neurriak", adierazi du Alfarok.