Ekonomia -
TITULAR NAGUSIAK
Albiste izango dira: ELAren XVI. Kongresua, Burgosko istripua eta Euskal Pilota Nazioen Liga
Gaurkoan albiste izango direnen laburpena, bi hitzetan.
EITB MEDIA
Honako gai hauek hartuko dituzte gaur, 2025eko ekainaren 2an, hedabideetako lerroburu nagusiak:
- ELAren XVI. Kongresua: ELA sindikatuak bere XVI. kongresua egingo du gaur biharretan Bilboko Euskalduna Jauregian, Mitxel Lakuntza berriz idazkari nagusi izateko hautagai dela. "Langileria antolatu, gizartea eraldatu" lelopean egingo den kongresuan, ponentzia eztabaidatu eta bozkatuko dute, baita kudeaketa txostena ere. Izan ere, horiek izango dituzte datozen lau urteetako lan lerroak. Gainera, aukera hori baliatuko dute 1976an Eibarren egindako III. Kongresuan xehatutako oinarriak eguneratzeko.
- Burgosko istripua: Gasteizko eta Altsasuko bi gazte (19 eta 20 urtekoak) hil dira Burgosen izandako auto-istripuan. Lehen ikerketen arabera, 200 metroko altueratik amildu zen ibilgailua Espinosa de los Monteros herriaren parean, atzo 16:00ak aldera.
- Euskal Pilota Nazioen Liga: Zesta Puntako Nazioen Ligan, gaur jokatuko dituzte lehen partidak euskal selekzioko emakumezkoek eta gizonezkoek. Lehen partidak igandean jokatu baziren ere, inaugurazio ekitaldia 20:30ean egingo da. Hauek dira asteleheneko partidak: 18:30ean, Espainia-Mexiko (emakumezkoak), 21:15ean, Euskal Selekzioa-Frantzia (emakumezkoak), 22:15ean, Euskal Selekzioa-Frantzia (gizonezkoak).