Etxegabetzeak -
Etxegabetzeak
40.000 familiak galdu zuten etxea 2012an, hipoteka ez ordaintzeagatik
% 83 ohiko etxebizitzak ziren, Espainiako Bankuak finantza erakundeei egindako inkesta baten arabera.
Erredakzioa
Ia 40.000 familiak galdu zuten etxea Espainian 2012an hipoteka ez ordaintzeagatik, Espainiako Bankuak ostiral honetan kaleratutako txosten batek jasotzen duenez.
Guztira 39.167 etxebizitza eman ziren Espainian 2012an, hipoteka-bermea betearazteko prozeduren ondorioz, Espainiako Bankuak banku erakundeei egindako inkesta baten emaitzen arabera. Ohiko etxebizitzak ziren horien % 83 (32.490).
Halaber, 20.972 familiak etxea borondatez eman zuten, eta horien artean % 75ek (15.826) etxebizitza ordainetan eman zuten.
Etxegabetu zituzten 18.195 familiak, berriz, epaitegietara jo behar izan zuten.
