Etxegabetzeak -

Konpromisoa

Etxegabetzeen legeak dakartzan aldaketen berri emango dute bankuek

Espainiako bankuen eta aurrezki kutxen patronalek adierazi dutenez, lege berriak etxegabetzeak geldiaraztea ahalbidetzen duela azalduko diete bezeroei.

Etxegabetzeen kontrako protesta ekitaldia. Argazkia: Artxiboko irudia.
Etxegabetzeen kontrako protesta ekitaldia.
Etxegabetzeen kontrako protesta ekitaldia. Argazkia: Artxiboko irudia.

Whatsapp Facebook Twitter Telegram Email

Etxegabetzeen lege berriari buruz bezeroei informazioa emateko eskatuko diete Espainiako Aurrezki Kutxen Konfederazioak eta Espainiako Bankuen Elkarteak Espainiako banku eta aurrezki kutxei.

Soledad Berrecil Espainiako herriaren defentzaileak ostiralean Diputatuen Kongresuan azaldu zuenez, eskaria bidali zien bi erakundeei. Antza denez, etxegabetzeen lege berriaren harira, zordunek dituzten eskubideen berri ematea eskatzen zien finantza erakundeei.

Etxegabetzeen legea maiatzaren 16an sartu zen indarrean. Horren arabera, bi urtez eten egingo dira kolektibo ahulenetako pertsonak etxegabetzeko emandako aginduak, eta zordunek zorra berregituratzeko aukera izango dute.

Bestalde, etxegabetzeak eteteko aukera izango dute epaileek, kaltedunek sinatutako hipotekan gehiegizko klausulak daudela irizten badiote

Finantza erakundeek bezeroei aldaketa horien guztien berri ematea eskatu zuen Soledad Berrecilek. Azaldu zuenez, ostiralean jaso zituen Espainiako Aurrezki Kutxen Konfederazioaren eta Espainiako Bankuen Elkartearen erantzunak.

Bi elkarteak eskariarekin bat datoz, eta bezeroei etxegabetzeen legeari buruzko informazioa emateko konpromisoa hartu dute.

Hau zure interesekoa bada, baliteke beste gai hauek ere izatea