Gizartea -
Araban
Pertsona bat hil da Rivabellosan, zirkulazio istripu batean
Furgonetako gidariak kamioi baten kontra jo du, eta hil egin da. Ezbeharra 15:40 inguruan gertatu da herriko sarreran.
Erredakzioa
Frantziar hiritartasuna duen 76 urteko gizon bat hil da gaur arratsaldean A-1 autobidean, Erriberabeitia parean gertatu den zirkulazio istripuan.
Herrizaingo Sailak jakinarazi duenez, istripua 15:40 inguruan gertatu da Rivabellosa herriko sarreran dagoen biribilgunean. Antza denez, Ford Transit furgonetak kamioi bateko atoiaren kontra talka egin du, eta zaurien larritasunaren eraginez hil egin da furgonetako gidaria.
Ertzaintzak bestalde, ikerketa bat abian jarri du ezbeharra zerk eragin duen argitzeko.
Istripuaren eraginez zirkulazio arazoak izan dira Miranda de Ebrorako noranzkoan, errepidetik ibilgailuak eta gorpua kentzen zituzten bitartean. Hala ere, dagoeneko ez dago zirkulazio arazorik Rivabellosako biribilgunean.
